2023-10-21

Ի՞նչ Է Դոքերը և ում է այն պետք 🐋

Սա մակերեսային նկարագրություն է Դոքերի մասին։ Մանրամասների համար ցանկալի է կարդալ դոկումենտացիա։

ՕՀ

Համակարգիչների վրա աշխատում է օպերացիոն համակարգ, այսուհետ ՕՀ։ Այն թույլ է տալիս ունենալ համակրգչի օգտագործողի ինտերֆեյսի աշխատելու ձևը, տեսքը, փոխհարաբերությունները օգտատիրօջ հետ։

Օրինակ՝ Լինուքսը, Վինդոուսը, ՄակՕՍը կամ ԲիէՍԴի ՕՀները։

Վիրտուալիզացիա

Վիրտուլազիացիան դա այն պրոցեսն է, երբ մի ՕՀի վրա աշխատում է ուրիշ ՕՀ․ Նման մոտեցումով մենք կարող ենք աշխատացնենք ծրագրեր որ չեն աշխատում մեր հիմնական ՕՀի վրա, կամ պարփակենք այս ծրագրերի աշխատանքի տիրույթը անվտանգության նկատառումներով, կամ աշխատեցնենք այն վերահսկելի միջավայրում։ Այս պարագայում ամբողջական ՕՀն վիրտուալիզացվում է։

Հիպերվիզոր

Հիպերվիզորը ծրագիր կամ սարք է, որը ծառայում է վիրտուալիզացիայի համար։

Կոնտեյներիզացում

Կոնտեյներիզացման պարագայում մենք ստանում ենք նույն արդյունքը ինչ վիրտուալիզացման պարագայում ունենալով ավելի արագ համակարգեր, քանզի ՕՀն ամբողջովին չի վիրտուալիզացվում։ Փոխարենը եղած համակարգի վրա ավելանում են միայն այն կոմպոնենտները, որոնք անհրաժեշտ են ծրագիրը աշխատացնելու համար։ Փաստացի, սա նույն Օհն է որը օգտագործվում է հենց հիմա, բայց լինելով պարփակված կոնտեյների մեջ։

Սա նշանակում է, որ կոնտեյներները՝ Դրական

1. շատ արագ բարձրանում և իջնում են
2. անվտանգ են և իզոլացված
3. արագ են աշխատում քիչ ռեսուրս ծախսելով

Բացասական

1. կարող են աշխատել ՄԻԱՅՆ նույն ՕՀի հետ, օրինակ լինուքսի
2. եթե ձեր օհն ունենա խնդիրներ, նրանք տեղափոխվում են նաև կոնտեյների վրա

Վերջապես, ի՞նչ Է Դոքերը պարզ բառերով 🐋

Դոքերը կոնտեյներային համակարգերից մեկն է, որը հեշտ և արագ է օգտագործման մեջ։

Ես օգտագործում եմ դոքեր մի քանի պատճառով՝

1. արդեն ծրագրերը կարգավորված են գալիս
2. ջնջելով ծրագիրը ջնջվում է այն ամբողջությամբ, և չեն թողնում հետքեր
3. արագ են և անվտանգ
4. հեշտ տեղափոխվոց և վերարտադրվող են, ու ծրագիրը կարող է միանալ մի docker-compose և docker ֆայլի կողմից

Մի քանի տողով կարող ենք բարձրացնել NGINX սպասարքիչ, տեսեք ինչ հեշտ է։ Որտեղ srcում գցում ենք այն ֆայլերը, որոնք պետ է մատուցվի օգտագերերին։

version: "3" # docker-compose֊ի վերսիան

services: 
    nginx: # կոնտեյների անունը
        image: nginx # կոնտեյների բնորինակը կամ image
        ports:
            - 80:80 # պորտը, որը ուզում ենք հանել դուրս
        volumes:
            - ./src:/usr/share/nginx/html # նիշքերը որոնք ուզում ենք կիսել սերվերի հետ

տեսեք ինչքան քիչ քայլ ա, բա 🧙🏻 ՄՈԳՈՒԹՅՈՒՆ չի՞

Եթե ուզում եք նայել, թե ինչպես գտնել և լուծել Դոքերի խնդիրները կարող եք նայել այստեղ, բայց արդեն անգլերեն։